From Empty to Emptiness

தமிழ் மாதங்கள் சந்திரன் பாதையை வைத்து அமைக்கப்பட்டவை; மேலும் சந்திரன் முழு நிலவாக இருக்கும் நட்சத்திரத்தை வைத்தே தமிழ் மாதத்தின் பெயரும் அமைந்திருக்கும். இது பெரும்பாலும் அனைவருக்கும் தெரிந்ததே. இவ்வாறு சுழறும் ஓட்டத்தில் சூரியனின் ஓட்டம் உத்தராயணம், அதாவது தெற்கிலிருந்து வடக்கு நோக்கிய பயணம், தட்சிணாயணம், அதாவது வடக்கிலிருந்து தெற்கு நோக்கிய பயணம் என பிரிக்கப்பட்டு, அவ் அயனங்களின் நிலைகளுக்கும் சந்திரனின் நிலைக்கும் பொருந்துமாறு நமது பண்டிகைகள், கலாச்சாரங்கள் வெகு நுணுக்கமாக அமைக்கப்பட்டன. காலப்போக்கில் அதன் ஆழ்ந்த அர்த்தம் தெரியாமல் போகவே இவை அனைத்தும் வெறும் சடங்குகளாக மட்டுமே நடத்தப்படுகின்றன. இதில் ஆடி மாதம் தொடங்கி தை வரை இருக்கும் பாதை மிகவும் உன்னதமானது; ஆன்மீக நோக்கம் உள்ள ஒவ்வொரு சாதகருக்கும் இது அற்புதமான ஓர் புரிதல் பயணம். இதற்குப் பல்வேறு பரிமாணங்கள் இருந்தாலும், அவற்றில் சிலவற்றை இங்கு சற்று குருவின் அருள் கொண்டு ஆராய்ந்து பார்ப்போம். அடிப்படையில் சந்திரன் (மனம்) பிரதிபலிக்கும் தன்மை கொண்டது; உதாரணமாக அதற்குத் தனித்து ஒளி விடும் தன்மை கிடையாது. சூரியனின்  (அறிவு) இருந...