நமக்கு ஒவ்வொரு குருபூஜை நிறைவும் அதன் சத்சங்கம் மிகவும் முக்கிய பாதையை வகுக்கும். ஒவ்வொரு ஆண்டும் நம்மை மென்மேலும் உயர்ந்து ஆன்ம இறை அனுபவத்தை நமக்கு தருவதை சிவாவின் கருணை ஒருபோதும் தவறியது இல்லை. அதுபோல ஒரு முறை நமக்கு சிவாவின் அபிஷேக க்ரமங்களில் சந்தேகம் வந்தபோது சிவா நமக்கு அருளிய பாடல். இது மிகவும் நேர்த்தியாக வசன நடையும் வெண்பா நடையிலும் வெளிப்பட்டது. அதன் யோகா விளக்கமும் உரைநடையும் இங்கே ஓர் முயற்சியாக திருவருள் நடத்தட்டும்.
பாடல் : குருவரும் கூடும்தானே
நாட்டமுடன் நல்லதொரு எண்ணெய் கொண்டுநால்வேதம் வரித்துத் தந்த கலசநீர் காட்டிகசடற மாபொடி திரவியம் தேய்த்துகளிப்புற பல நீரும் இளநீரும் பாரு
பாங்காக பசும்பால் தயிர்தான் சாற்றிபார்த்து மிகத் தேனும் பலகனியும்சர்க்கரையும் காட்டி பரிவுடனேவாசியது இடம்தான் வைத்து
பாசமுடன் கங்கைநீர் கலசம் காட்டிபணிவுடனே சுகந்தமிகு பன்னீரும் சந்தனமும்பல்வேறு பாடலும் கோஷமும் இட்டுபார்த்துவந்த மலர்தான் மாற்றி
பக்தியுடன் படிப்படியாய் பூதி வைத்துகோலமுடன் மேளமிட்டு தீபம் காட்டிதலைபணிந்து குருபதம் பணியகுருவருள் கூடும்தானே !
பதவுரை
கண்ணி 1:
நாட்டமுடன் நல்லதொரு எண்ணெய் கொண்டு – விருப்பத்தோடும் ஏகாக்கிரகக் கவனத்தோடும் நற்பண்பு மிக்க நல்லெண்ணெயை எடுத்து,
நால்வேதம் வரித்துத் தந்த கலசநீர் காட்டி – நான்கு வேதங்களின் மந்திரங்களால் ஆவாஹனம் செய்யப்பட்ட தூய கலச நீரினால் நீராட்டி,
கசடற மாபொடி திரவியம் தேய்த்து – உடலிலும் மனதிலும் உள்ள மாசுகள் (அழுக்கு) நீங்கும்படி நறுமணப் பொடிகளைத் தேய்த்து,
களிப்புற பல நீரும் இளநீரும் பாரு – மனம் மகிழப் பலவகைத் தீர்த்தங்களாலும் குளிர்ச்சியான இளநீராலும் அபிஷேகம் செய்து பார்.
கண்ணி 2:
பாங்காக பசும்பால் தயிர்தான் சாற்றி – முறைப்படி தூய பசுவின் பால், தயிர் ஆகியவற்றைக் கொண்டு அபிஷேகம் செய்து,
பார்த்து மிகத் தேனும் பலகனியும் சர்க்கரையும் காட்டி – அளவறிந்து தேன், பலவகை முக்கனிகள், சர்க்கரை ஆகியவற்றால் நிவேதித்து,
பரிவுடனே வாசியது இடம்தான் வைத்து – பேரன்போடு பிராண வாயுவை (வாசியை) குருவை உணர்வதற்காக விருப்பமுடன் இட நாடியில் வைத்து.
கண்ணி 3:
பாசமுடன் கங்கைநீர் கலசம் காட்டி – அன்போடு கங்கைத் தீர்த்தக் கலசத்தைக் காட்டி,
பணிவுடனே சுகந்தமிகு பன்னீரும் சந்தனமும் – அடக்கத்துடன் நறுமணம் மிக்க பன்னீரையும் சந்தனத்தையும் சாற்றி,
பல்வேறு பாடலும் கோஷமும் இட்டு – பல்வேறு பக்திப் பாடல்களையும் திருநாமக் கோஷங்களையும் முழங்கி,
பார்த்துவந்த மலர்தான் மாற்றி – இறைவனுக்குச் சாற்றப்பட்ட பழைய மலர்களைக் களைந்து புதிய மலர்களைச் சாற்றி.
கண்ணி 4:
பக்தியுடன் படிப்படியாய் பூதி வைத்து – பக்தி உணர்வோடு முறைப்படி திருநீறு (விபூதி) அணிவித்து,
கோலமுடன் மேளமிட்டு தீபம் காட்டி – அழகிய கோலமிட்டு, மங்கள மேள ஒலியுடன் தூப தீப ஆராதனை காட்டி,
தலைபணிந்து குருபதம் பணிய – சிரசு தாழ்த்தி குருவின் திருவடிகளை வணங்கி வழிபட,
குருவருள் கூடும்தானே ! – குருவின் பேரருள் தானே சித்திக்கும்.
2. யோக உரை
இப்பாடல் வெறும் புற வழிபாட்டுச் சடங்கை மட்டும் கூறாமல், சித்தர்கள் காட்டிய வாசி யோகப் பயிற்சியின் தத்துவத்தை உட்பொருளாகக் கொண்டுள்ளது:இதில் குருவிற்கு நாம் அர்ப்பணிக்க வேண்டிய 16 உபசாரணை கூறப்படுகின்றது.
திரவிய அபிஷேகம் (ஆதாரச் சுத்திகள்): உடலில் உள்ள மூலாதாரம் முதல் ஆக்ஞா வரையிலான ஆறு ஆதாரச் சக்கரங்களையும், நாடிகளையும் பிராண இயக்கம் கொண்டு தூய்மைப்படுத்துவதையே 'எண்ணெய், பொடி, திரவிய அபிஷேகம்' குறிக்கிறது.
வாசியது இடம் வைத்தல்: இடகலை (இடது மூச்சு), , வாசி யோகப் பயிற்சியால் இடது பாதம் ஊன்றி நிற்பது. "வாசியது இடம்தான் வைத்து" என்பதாகும்.
அமுத ஊற்று (தேன், இளநீர், கங்கை நீர்): சுழுமுனையில் பிராண வாயு ஏறும் போது, சிரசில் உள்ள சகஸ்ராரச் சக்கரத்திலிருந்து சுரக்கும் அமிர்தத்தையே இங்கு பால், தேன், கங்கை நீர் என உருவகிக்கின்றனர்.
குருபதம் பணிதல்: சகஸ்ராரத்தில் விளங்கும் 'குரு பாதத்தில்' (ஆக்ஞா/சகஸ்ராரம்) மனதை ஒடுக்கி தியானிக்கும் போது, ஜீவாத்மா பரமாத்மாவுடன் கலந்து மெய்ஞானமாகிய குருவருள் கூடிவரும்.
பசு , பதி , பாசம் என்பதில் , இந்த சித்தமாகிய ஜீவான்மா சிவலிங்க வடிவமாக கிடைக்க பெறுவதும் அவ் சித்தம் தெளிந்த சிவலிங்க மூர்த்தத்திற்கு பதி யாகிய இறைவன் அருள் என்னும் அபிஷேகத்தை நிகழ்த்துவார் இவ் சிவா அனுபவ போகமே நாம் குரு நாதருக்கு செய்யும் அபிஷேக அர்ப்பணிப்பு ஆகும்.
புறத்தில் செய்யும் வழிபாட்டை விட அகத்தில் பிராணனை ஒடுக்கிச் செய்யும் சிவயோகமே உண்மையான ஆலயம் என்பதை திருமூலர் விளக்குகிறார்:
வாசி யோகத்தின் பிராணாயாமக் கணக்கை திருமூலர் பின்வருமாறு குறிப்பிடுகிறார்:
"ஏறுதல் பூரகம் ஈரேட்டு மாறல்மாறுதல் கும்பகம் அறுபத்து நாலதில்ஊறுதல் ரேசகம் முப்பத்து இரண்டினில்பேறது எய்தப் பெரு நந்தி பேசினே." (திருமந்திரம் - 568)
அகத்தியர் நூல்கள் மேற்கோள்:
சித்தர் மரபில் அகத்திய பெருமான் வாசி யோகத்தையும் குருவின் திருவடி மகிமையையும் இவ்வாறு பாடுகிறார்:
"வாசியென்ற நந்தியைத்தான் பார்க்க வேண்டிமகத்தான மூலத்தில் சுழியைப் பார்த்துதூசியென்ற மலமறுத்து ஜோதி கண்டுதாரகமாம் குருபாதம் சார்ந்து நில்லே." (அகத்தியர் பூரண சூத்திரம்)
மேலும், குருவருள் கூடிவரும் நிலையைப் பற்றி அகத்தியர்:
"குருவடி வாகிக் குவலயந் தன்னில்திருவடி வைக்கும் திறமறி வாரில்லைகுருவடி வாவது கூறுகில் யார்க்கும்திருவடி வாகுஞ் சிவமறை தானே." (அகத்தியர் ஞானம்)
குருவே துணை .. மேலும் சிவானுபவம் பற்றி மேலும் விரிவாக பாப்போம் .
Comments